தூணிலும் காதல் துரும்பிலும் காதல்

காதல்
விஷ மாத்திரையா?
விஷம மாத்திரையா?

*

பிரியும் போது
நீ மட்டும் தானடி
விடைகொடுக்காமல்
வினாகொடுத்துப் போனாய்.

*

நீ
ஒவ்வொறு முறை சிரிக்கும் போது,
அகராதியில்
அழகென்ற வார்த்தையின் அர்த்தம்
இன்னும் அழகாய்
திருத்தி எழுதப்படுகின்றது.

*

சிறுவயது புகைப்படத்தில்
தூணுக்கு பின் நீ,
உனக்கு நாவல் பழம் எடுத்து வந்த
துருவேறிய என் வடிவியல் பெட்டி*,
பார்
காதலும்
தூணிலும் இருக்கும்,
துரும்பிலும் இருக்கும்.

*

புது மழையில்
கைகள் விரித்தபடி
கண்கள் மூடி
மகிழ்ந்தாயே!
அன்று தான்
சிலுவையில் அறைந்த
இயேசு சிரித்துப்பார்த்தேன்.


*வடிவியல் பெட்டி - Geometry Box.

(புது கூடு கட்டிக்கிட்டு இருக்கேன். இது தான் இந்த தளத்தில் கடைசி பதிவாய் இருக்கும் என நினைக்கிறேன். எல்லா புதன்கிழமையும் பதிவு போட்டு வந்ததால் இந்த வாரம் விடுபட்டுவிடக்கூடாதென கைக்கு வந்த கவுஜைகளை கிறுக்கி இருக்கேன். பொறுத்தருளவும் :). புது கூட்டில் சந்திப்போம்.)

காதல் அழிவதில்லை...
-ஸ்ரீ.